ለ (June 26 2010) ዓ.ም ስብሰባ የጠራው የአማራጭ ፈላጊ ኮሚቴ በሁለት ቡድን ተከፈለ!!! 
ከእናንተ አንዱ ክርስቲያን ከሆነው ወንድሙ ጋር ቢጣላ፣ ጉዳዩን የእግዚአብሔር ሰዎች በፍርድ እንዲያዩለት በማድረግ ፈንታ ለክስ ወደ አረማውያን የፍርድ ሸንጎ ለመሄድ እንዴት ይደፍራል? 1ኛ ቆሮ፡ 6፡1 
ታዲያ አንድ ክርስቲያን ሌላውን ክርስቲያን ከሶ ወደ አረማውያን ፍርድ ቤት መውሰድ ይገባዋልን? 1ኛ ቆሮ፡ 6፡6
August 18 2009 ዓ.ም
1 ከአገር ቤት በመጡ ንቡረእድ                  4 አቶ መስፍን ወልደየስ
2 አቶ ጌታቸው ወ/ሚካኤል                       5 አቶ ኪዳኔ አለማየሁ 
3 አቶ በቀለ ተክሌ                                  6 ወ/ሮ ጥሩአየር ፍስሃ
አማካኝነት በሰላምና በእርቅ ስም የተዋቀረው ኮሚቴ አንዴ የሰላም፤ የሽማግሌ፤ የእርቅ፤ አማራጭ ፈላጊ ኮሚቴ የሚል የተለያየ ስም እየተሰጠው በተለያየ ወቅት አባላቱን እየቀያየረ አዲስ ሃሳብ ያመጣ ለማስመሰል ቀደም ሲል የቀረበውን ሃሳብ እየለዋወጠ በተለያዩ ፍርድ ቤቶች ውስጥ አዲስ ክስ እየመሰረተ ይገኛል።
June 26 2010 ዓ.ም በጠሩት ስብሰባ ላይ
1 የዝህን ቡድን ስውር ደባ ውለው አድረው በተረዱና ከኮሚቴው ውስጥ ለመውጣት በወሰኑ የአመራር አባላት ምትክ ጉዳዩ በግልጽ ያልገባቸውን አድስ ሰዎች ለማስመረጥ
2 የአስተዳደር ቦርዱ ሊያነጋግረን ፈቃደኛ ስላልሆነ ለዚህ መፍትሄው ሌላ ክስ መስርቶ ቤተክርስቲያኑን ውጥረትና ኪሳራ ላይ ለመጣል የገንዘብ መዋጮ ማሰባሰብ ግንባር ቀደም አጅንዳቸው ነው።
ዉድ ምእመን ሆይ!
የአስተዳደር ቦርድ እንዚህ መጠነ ስፊ ስም ያላቸው ኮሚቴዎች እንደሚያስወሩት ምእመንን አላነጋግርም ያለበት ወቅት የለም። ቀደም ሲል አባል ከሆኑ ከኮሚቴው ተወካዮች ጋር በተደረገ ስብሰባ ላይ ቦርዱ ለመታረቅ ያቀረበው ሃሳብ የሚከተለው ነው።
1 ውይይት ለመጀመር ከሳሾች ክሳቸውን ያንሱ!
2 ቤተክርስቲያን ለክሱ ያወጣቸውን ገንዘብ ይተኩ!
3 ፍርድ ቤት ከሰው ያቀረቡትን ምእመን ይቅርታ ይጠይቁ የሚል ነበር።
በነዚህ ስመ ብዙ ቡድኖች በኩል የቀረበው ሃሳብ ደግሞ፡
1 ክሱን ለማቆም ወደ ፊት እንደራደራለን፡
2 ቤተክርስቲያኑ ለክሱ ያወጣውን ገንዘብ ቤተክርስቲያን የሚመጣ ማንኛውም ኢትዮጵያዊ እንደ አባል ተቆጥሮ ድምጽ ይስጥበት፡
3 ክሱን ለማቆም በጊዜው የነበረው ቦርድ ወርዶ በውጭ ስወች ሞግዚትነት መተዳደር አለበት
4 አዲስ የቦርድ ምርጫ መደረግ አለበት።
5 አዲሱ ህግ ተሽሮ በድሮው ህግ መተዳደር አለበት።
6 ቤተክርስቲያን መጥቶ የሚሳለም ሰው በሙሉ እንደ አባል ተቆጥሮ ድምጽ የመስጠት መብት ይሰጠው። የሚሉ ነጥቦች ነበሩ። ውይይቱ ወደፊት ያልሄደው ከላይ በተጠቀሱት ነጥቦች ምክንያት እንጅ ኮሚቴወቹ እንደሚያናፍሱት ወሬ ቦርዱ አልወያይም ያለበት ጊዜ የለም።
ይህ ደብር የዚህ ሃገር መንግስት በሚፈቅደው ህግ መሰረት የተቋቋመ የራሱ መተዳደርያ ደንብ ያለው ቤተክርስቲያን ነው። በየጊዜው የሚመረጡ የአስተዳደር ቦርድ አባላት የመተዳደርያ ደንቡ በሚፈቅደው መሰረት መስራት ግዴታቸው ነው። አሁን ያለው አስተደአደር ቦርድም ከመተዳደሪያ ደንብ ውጭ የሰራው ስራ ካለ አባላት የመጠየቅ መብታቸው በዚሁ ህግ ላይ በማያሻማ ሁኔታ ሰፍሮ ይገኛል።
እውነቱ ይሄው ነው።
የሃሰት እድሜ አጭር ነው። እውነት ግን ለዘላለም ትኖራለች። ምሳሌ 12:19
 ወዳጄ ሆይ! ደጉን ምሰል እንጂ ክፉውን አትምሰል። ደግ ስራ የሚሰራ ሁሉ የእግዚአብሔር ነው። ክፉ ስራ የሚሰራ ግን እግዚአብሔርን አላየውም። 3ተኛ የዮሓንስ መለክት ቁጥር 11